ஒரு சித்தரை தேடவேண்டும் என்று முடிவு செய்துவிட்டு தேடுபவர்கள்,  தங்களுடைய சிறு ஞானத்தை வைத்து, சித்தருடைய ஞானத்தை உரசி, சோதித்து பார்த்து சித்தரை தேர்வு செய்கிறார்கள்.

• அது எவ்வளவு பெரிய தவறு என்று, ஒரு உண்மையான சித்தரை சந்தித்த பிறகு தான், நான் தெரிந்து கொண்டேன்.

• அது எவ்வாறெனில், ஒரு சித்தரை, அவர் உண்மையான சித்தர்தான் என்று, ஞானத்தை வைத்து கண்டுபிடிக்க முடியாது.

• இங்கு பல்கலைக்கழக பேராசிரியரின் அறிவை,  ஒரு ஐந்தாவது படிக்கும் மாணவனின் அறிவைக்கொண்டு சோதித்து பார்க்க முடியுமா? அதுபோல ஐந்தாவது படிக்கும் பையனின் அறிவைப் போல இருக்கும் ஒருவருடைய ஞானத்தை வைத்து, முழுமையான ஞானமுள்ள ஒரு சித்தரை, சோதித்து பார்த்து அவர் உண்மையான சித்தர் என்று கண்டுபிடிக்க முடியுமா?

• இன்று உலகத்தில் உள்ள பெரும்பாலோர் இந்த தவறைத்தான் செய்துக்கொண்டிருக்கிறார்கள்.

• அரைகுறையாக சிறிது ஞானத்தை வைத்துக்கொண்டு, தாங்கள் எதை உண்மை என்று நம்பிக்கொண்டிருக்கிறார்களோ அது தான் உண்மையாக இருக்க வேண்டும் என்று அடம்பிடிக்கிறார்கள்.

• நானும் அவ்வாறு அடம்பிடிக்கும் கூட்டத்தில் தான் இருந்தேன். 

கடவுளுடைய அருளால் ஒரு உண்மையான சித்தரை சந்தித்த பிறகு தான், என்னுடைய ஞானத்தை வைத்து சித்தரை தேடியது எவ்வளவு பெரிய தவறு என்று எனக்கே தெரிய வந்தது.

• உண்மையில் ஒரு சித்தரை நம்முடைய ஞானத்தை வைத்து உரசி பார்த்து, அவர் உண்மையான சித்தர்தானா என்று கண்டுபிடிக்கவே முடியாது. 

• ஒருவருக்கு சித்தரை கண்டுபிடிக்கிற அளவிற்கு ஞானம் இருந்தால் அவருக்கு ஒரு குருவே தேவை இல்லை என்று என் குரு சொல்வார்.  இது எனக்கு நியாயமாக பட்டது. 

• நம்முடைய ஞானத்தை வைத்து ஒரு சித்தரை கண்டுபிடிக்க கூடாது. ஏனெனில், அவர் சொல்லும் ஞானம் உண்மையாகவும் இருக்கலாம், பொய்யாகவும் இருக்கலாம், அல்லது உண்மையான சித்தரிடமிருந்து திருடப்பட்ட ஞானமாகவும் இருக்கலாம்.